Vaibhav Suryavanshi: பாகிஸ்தான் சாதனையை முறியடித்த ‘சுட்டிக் குழந்தை’ வைபவ் சூரியவன்ஷி! 52 பந்துகளில் சதம்!

Vaibhav Suryavanshi: இங்கிலாந்து அணிக்கு எதிரான நான்காவது போட்டியில் வைபவ் சூரியவன்ஷி வெறும் 52 பந்துகளில் சதம் அடித்தார். 78 பந்துகளில் 13 நான்குகள் மற்றும் 10 ஆறுகளுடன் 143 ரன்கள் எடுத்து ஆட்டமிழந்தார்.

Vaibhav Suryavanshi: சனிக்கிழமை இங்கிலாந்து அணிக்கு எதிரான ஐந்து போட்டிகள் கொண்ட 19 வயதுக்கு உட்பட்டோருக்கான ஒரு நாள் தொடரின் நான்காவது போட்டியில், 14 வயதான வைபவ் சூரியவன்ஷி வெறும் 52 பந்துகளில் சதம் அடித்து பாகிஸ்தான் வீரர் கம்ரான் குலாமின், இளம் வயது ஒருநாள் போட்டிகளில் வேகமான சதம் என்ற சாதனையை அடித்து முறியடித்தார். இந்தத் தொடரில் முந்தைய மூன்று போட்டிகளில் 48, 45 மற்றும் 86 ரன்கள் எடுத்த சூரியவன்ஷி, 4வது போட்டியில் தனது அற்புதமான ஆட்டத்தில் 10 பவுண்ட்ரிகள் மற்றும் 7 சிக்ஸர்களை அடித்தார். முன்னதாக குலாம் 53 பந்துகளில் சதம் அடித்திருந்தது குறிப்பிடத்தக்கது.

மேலும் படிக்க | Rishabh Pant: ‘பறக்க’ விட்ட பண்ட்.. அவங்க ஊர்ல வைத்து அவங்க சாதனையை முறியடித்த ரிஷப் பண்ட்!

இளம் வயது ஒருநாள் போட்டிகளில் வேகமான சதங்கள்

Vaibhav Suryavanshi: முதலில் பேட்டிங் செய்த இந்திய அணி, ஆயுஷ் மஹத்ரே 5 ரன்களில் ஆட்டமிழந்ததால் மோசமான தொடக்கத்தைப் பெற்றது. இருப்பினும் விஹான் மால்கோத்ரா மற்றும் சூரியவன்ஷி இணைந்து இரண்டாவது விக்கெட்டுக்கு 219 ரன்கள் சேர்த்து இங்கிலாந்து அணியைத் தோற்கடித்தனர். இருப்பினும், அபாரமாக ஆடிய சூரியவன்ஷி, 150 ரன்களை எட்டத் தவறிவிட்டார். பென் மேயஸின் பந்துவீச்சில் ஜோசப் மூர்ஸ் கேட்ச் செய்ததால், அந்த சாதனையை எட்ட 7 ரன்கள் குறைவாக இருக்கும் போது அவர் ஆட்டமிழந்தார். சூரியவன்ஷி 78 பந்துகளில் 13 பவுண்ட்ரிகள் மற்றும் 10 சிக்ஸர்களுடன் 143 ரன்கள் எடுத்தார்.

🚨 Teenage sensation Vaibhav Suryavanshi hits a sublime 52-ball hundred at Visit Worcestershire New Road and ends out on 143 from 73 deliveries, with 23 boundaries 🤯🇮🇳 @BCCI pic.twitter.com/xD3TWqEMnz

— Worcestershire CCC (@WorcsCCC) July 5, 2025

தொடர்ந்து அசத்தும் சூரியவன்ஷி

Vaibhav Suryavanshi: இந்திய அணிக்காக விளையாடும் போது சூரியவன்ஷி தலைப்புச் செய்திகளில் இடம் பெறுவது இது முதல் முறை அல்ல. கடந்த ஆண்டு சென்னையில் ஆஸ்திரேலியா அணிக்கு எதிரான இளம் வயது டெஸ்ட் போட்டியில் 56 பந்துகளில் சதம் அடித்து இதே போன்ற சாதனையைப் படைத்தார். 2005 ஆம் ஆண்டில் இங்கிலாந்தின் மொயின் அலி 56 பந்துகளில் சதம் அடித்திருந்தார்.

மேலும் படிக்க | India’s tour of Bangladesh: ஒத்திவைக்கப்படும் இந்திய அணியின் வங்கதேச பயணம்.. காரணம் என்ன?

1⃣4⃣3⃣ runs
7⃣8⃣ deliveries
1⃣3⃣ fours
🔟 Sixes 💥

14-year old Vaibhav Suryavanshi registered a century off just 52 deliveries, the fastest 💯 in U19 and Youth ODIs 🔥🔥

Scorecard – https://t.co/1UbUq20eKD#TeamIndia pic.twitter.com/ymXf3Ycmqr

— BCCI (@BCCI) July 5, 2025

சூரியவன்ஷி ஐபிஎல் வெற்றியைத் தொடர்கிறார். ராஜஸ்தான் ராயல்ஸ் அணிக்காக ஐபிஎல் தொடரில் விளையாடி சூரியவன்ஷி பெரும் வெற்றியைப் பெற்றார். அவர் ஐபிஎல் சதம் அடித்த இளம் வீரர் என்ற பெருமையைப் பெற்றார். ஏழு போட்டிகளில் 200 க்கும் மேற்பட்ட ஸ்ட்ரைக் ரேட்டில் 255 ரன்களை அவர் எடுத்தார். வளர்ந்து வரும் இந்த இளம் வீரர், அனைத்து தரப்பு போட்டிகளிலும், தன்னுடைய திறமையை நிரூபித்து வருவது குறிப்பிடத்தக்கது.