இது தேவையா.. ஸ்டண்ட் செய்ய முயன்றபோது பள்ளத்தில் கவிழ்ந்த கார்!

காராட்டின் பிரபலமான டேபிள் பாயிண்டில், சஹில் அனில் ஜாதவ் மற்றும் அவரது நான்கு நண்பர்கள் மலைப்பகுதியைப் பார்வையிட்டபோது இந்த விபத்து நடந்தது. இப்பகுதி அழகிய இயற்கை எழில் கொஞ்சும் இடமாகும்.

மகாராஷ்டிராவின் சதாரா மாவட்டத்தில் உள்ள ஒரு சுற்றுலா தலத்தில் கார் ஸ்டண்ட் எதிர்பாராத திருப்பத்தை எடுத்தது. 300 அடி ஆழமான பள்ளத்தில் எஸ்யூவி கார் விழுந்ததில் ஓட்டுநர் கடுமையாக காயமடைந்தார். காராட்டின் பிரபலமான டேபிள் பாயிண்டில் இந்த விபத்து நடந்ததாக கூறப்படுகிறது. பதான்-சடாவகபுர் பகுதியில் அழகிய நீர்வீழ்ச்சிகளுக்கு பிரபலமான இடத்தில் சஹில் அனில் ஜாதவ் மற்றும் அவரது நான்கு நண்பர்கள் சுற்றுலா சென்றபோது இந்த விபத்து நடந்தது. ஹூண்டாய் வென்யூ காரை ஓட்டிச் சென்ற 26 வயதான சஹில், ஸ்டண்ட் செய்யத் தொடங்கியபோது அவரது நண்பர் காணொளி எடுத்துக் கொண்டிருந்தார்.

சஹில் தனது காரை ரிவர்ஸ் கியரில் ஸ்டண்ட் செய்ய முயற்சித்தபோது, கார் கட்டுப்பாட்டை இழந்து ஆழமான பள்ளத்தில் விழுந்தது. விபத்து நிகழ்வு காணொளியில் பதிவாகி சமூக வலைத்தளங்களில் வைரலாகி வருகிறது. ஓட்டுநர் மீட்கப்பட்டார். ஆனால், விழுந்ததில் அவர் கடுமையான காயங்களுக்கு உள்ளானார்.

Sunil Jadhav, 20, was performing car stunts for reels at Table Point in Sadawaghapur, Satara, when his car lost control and plunged 300 feet into a deep gorge. Sunil is critical.

Moral: Evolution favours the brave, but survival still sides with the wise. Respect Darwin, be wise. pic.twitter.com/npwOH83ydQ

— THE SKIN DOCTOR (@theskindoctor13) July 11, 2025

மருத்துவமனையில் அனுமதி

தற்போது அவர் சஹ்யாத்ரி மருத்துவமனையில் சிகிச்சை பெற்று வருகிறார் என்று டைம்ஸ் நவ் தெரிவித்துள்ளது. மருத்துவர்கள் அவரது நிலைமை மிகவும் கவலை அளிப்பதாகக் கூறியுள்ளனர்.

மேலும் படிக்க | Air India: 7 ஆண்டுகளுக்கு முன் வழங்கப்பட்ட ஆலோசனை.. ஏர் இந்தியா விமான விபத்தில் திடுக் தகவல்!

போலீசார் இந்த விபத்து குறித்து வழக்கு பதிவு செய்துள்ளனர். பதான்-சடாவகபுர் பகுதியில் அமைந்துள்ள டேபிள் பாயிண்ட், அழகிய இயற்கை அமைப்பிற்கு பிரபலமான சுற்றுலா தலமாகும். ஆழமான பள்ளத்தாக்குகளால் சூழப்பட்ட சமவெளிப் பகுதி தலைகீழ் நீர்வீழ்ச்சி காட்சிக்கு பிரபலமானது மற்றும் ஏராளமான சுற்றுலா பயணிகளை ஈர்க்கிறது. பசுமையான இயற்கை மற்றும் அழகிய காட்சிகள் வார இறுதி நாட்களில் சுற்றுலா பயணிகளை கவர்கிறது.